مقال منقولل من الفيسبوك الأخ محمد سعيد
سايق السيارة ومشغل برنامج sound cloud على تسجيل السيارة وبسمع مقتطفات من تلاوات مختارة بشكل عشوائي وإذا بقراءة طيبة للشيخ بندر بليلة إمام الحرم المكي.
قراءة من سورة النمل هادية وجميلة ؛ وأنا أستمع حدث شيء عجيب جعلني أتوقف على جانب الطريق.
الشيخ قرأ هذه الآية وكأني والله أول مرة أسمعها في حياتي!
حَتّى إِذا جاءوا قالَ أَكَذَّبتُم بِآياتي وَلَم تُحيطوا بِها عِلمًا أَمّاذا كُنتُم تَعمَلونَ.
لا تقرأ الآية كده وخلاص ؛ لأ ركز كويس في آخرها عند قوله ﷻ : أَمّاذا كُنتُم تَعمَلونَ؟!!
الله ﷻ يسأل يوم القيامة ( كنت بتعمل ايه؟! )
إيه اللي شغلك عن آياتي؟!
إيه كان أهم من ورد القرءان؟!
إيه كان أهم من الصلاة؟!
إيه كان أهم ترك الحرام؟!
ايه وايه وايه؟!!
ماذا كنت تعملون؟!!
مرعبة والله جدًا
متخيل السؤال ده من مديرك في الشغل على تقصيرك في الشغل وتوبيخه لك؟!
طيب متخيله من قاضي في محكمة؟!
ولله المثل الأعلى ؛ متخيله من الله ﷻ ؟!!!
لازم نحضر جواب من الآن عشان كله مسجل ومكتوب ومحفوظ ولكننا ننساه والله قالَ عِلمُها عِندَ رَبّي في كِتابٍ لا يَضِلُّ رَبّي وَلا يَنسَى.
ليست هناك تعليقات:
إرسال تعليق